அரை நொடி
வந்தாலும்
அருவியாய்
கொட்டி செல்கிறாய்
அன்பை அன்பே

இளைப்பாறும் நொடியிலும்
துணையாக
வந்து விடுகிறாய்
நான் மனம் சாய

சில பார்வைகள்
முழு வாழ்க்கையை மாற்றும்

தூரம் இருந்தாலும்
ஆசை தோல்வியடையாது
அது நினைவுகளில் நிரந்தரமாகும்

மௌனமாக இருந்தாலும்
இதயம் ஒருவருக்காக
ஏங்கும் இசையை
மனம் கேட்டு உருகிவிடும்

காதலின் நெருக்கத்தில் தான்
மௌனமும் ஒரு மொழி ஆகிறது

என்னவனின்
குறுஞ்செய்தியை
பார்த்தால் போதும்
பிரிவையும் சுகமாய்
கடத்திவிடுவேன்

இதயம் துடிக்கும் ஓசை
காதலின் ராகமாகும்

இரவுக்கு
நிலவழகு போல்
என் நினைவுக்கு
அழகு நீ

கூட்டத்தில் இருந்தாலும்
மனம் தனிமை தான்
உடன் நீயில்லை என்றால்