இமை கதவுகள்
உனக்காக திறந்தேயுள்ளது
விழி வீட்டினுள்
நுழைந்துவிடு
கனவு சாலையில்
நாம் இணைந்தே
பயணிக்கலாம்

சில அணைப்புகள்
ஆயுளுக்கு ஒரு மருந்து

இதயத்தின் ஓசையில்
பெயரைச் சொன்னபோது தான்
காதல் உயிர்பெற்றது

நேரமில்லை என்றாய்
ஆனால் நெஞ்சம் முழுக்க
என் நினைவாக இருக்கிறாய்

உன் நினைவு
என்னைத்தீண்ட
பூக்களும்
நாணம் கொண்டு
தலைசாய்கிறது...

நிர்மலமான
இந்த உலகில்
நிறைந்தேயிருப்போம் வா
நீயும் நானுமாய்

ஓரிரு நிமிடங்கள்
கண்கள் பேசும் போது
ஒரு ஆயுள் காதல்
அங்கே அரங்கேறுகிறது

உன் புன்னகையின்
ஒவ்வொரு கோணமும்
என் மனதை சிக்க வைக்கும்
காதல் வாசம்

உன் உதடுகளின்
ஒரு முத்தம் கூட
என் எண்ணங்களை
கட்டுப்படுத்த முடியாத
நிலைக்கு கொண்டு செல்லும்

மௌன பார்வை மட்டும் போதும்
ஆசை நொடிகளை
கணக்கிலேயே தொலைக்கிறது