முத்தம் தான் நீ கொடுக்கும்
தண்டனை என்றால் எப்போதும்
தவறு செய்து தண்டனை பெற
விரும்புகிறேன் நான்

தூரம் இருந்தாலும்
மனம் அவளின்
அருகே தங்கும்

உன்னிதழ்
சுவைத்த தேனீர்
என்னிதழை
நனைக்க கரைந்தது
ஊடலும்

அம்பாய் துளைக்கும்
உன் அன்பிற்காகவே
எத்தனை முறை
என்றாலும்
இறந்து பிறக்கலாம்
என் அன்பே

பிடித்த தனிமையும்
கொடுமையானது
உன்னுள்
தொலைந்ததிலிருந்து
இனிய காதலர் தின
வாழ்த்துகள் என் ராட்சஷியே

மனதோடு இணைந்த
கைகளை பிரிப்பது கடினம்

பாசமென்ற பேரில் தொடும் துடிப்பு
பேராசை என அழைக்கப்படுகிறது

நேசிப்பதில்
ஒரு ரகசியம் இருக்கிறது
அது தொடாமல் தீண்டுவது

ஆசையாய் கோர்த்து
சூடிக் கொள்கிறேன்
உதிர்ந்தாலும்
மகிழ்வே
உன்னணைப்பில்

உன்னருகில்
உன் நினைவில்
மட்டுமே
என் மகிழ்ச்சியெல்லாம்