ஒரே பெயரை இதயம்
நாள்தோறும் உச்சரிப்பதே
காதலின் பிரார்த்தனை

எப்படி எழுதினாலும்
ரசிக்கின்றாய்
இதழ்வரி கவிதையை

அவளின் சிரிப்புக்கு பிறகு
சோகமே வரக்கூடாது போல
ஒரு பயம் தோன்றுகிறது

வானில்
நிலவில்லாத நாட்கள்
கூட உண்டு
என்னுள்
நின் நினைவில்லாத
நாட்கள் என்பதே இராது

மூச்சின் மென்மையான ஓசையில் கூட
பாசம் மனதை சுற்றி
அலை போல வந்து ஆட்கொள்கிறது

என் சோகத்தில்
உன் மனம்
வாடுவதால்
அணிந்து கொள்கின்றேன்
புன்னகையெனும்
கவசத்தை

இரை தேடும்
பறவையாய்
உனை தேடுது
இதயம்

உனக்கான வேண்டுதலில்லை
நீயென்னுள் நலமாயிருப்பதால்
இது எனக்கான
வேண்டுதலே
நீயென்றும் நலமுடனிருக்க
வேண்டுமென்று

என் கண்ணீரில்
புரியாத உணர்வா
உனக்கு என் கவிதைகளில்
புரிந்துவிட போகிறது

பார்வையில் பசி இருந்தால்
அது ஆசை
உயிரில் ஆசை இருந்தால்
அது காதல்