என்றோ தொலைத்த
உன்னை அருகாமையில்
தேடுகிறது என் இதயம்

விரல்கள் தொடாத இடத்திலும்
விருப்பத்தின் அலைகள்
இரத்தத்தை வெப்பமாக
அலைக்கழிக்கின்றன

காலம் கடந்தாலும்
நேசத்தின் அலை மனதில்
சீராக வந்து
அமைதியை பரப்பும்

நீயில்லா
நேரங்களில்
உன்
நினைவுகளைத்தவிர
வேறெதற்கும்
அனுமதியில்லை
என்னருகில்......

சிரிப்பின் பின்னால்
ஒளிந்திருக்கும் ஆசைதான்
உண்மையான காதல்

காலம் கடந்தும்
உன் நினைவுகள் மட்டும்
என் இதயத்தில்
ஈரமாகவே இருக்கின்றன
காயாத கவிதை நீ

கைகளில்
கனஏட்டை தாங்கியிருந்தாலும்
என் மன ஏடு
ஏந்தியிருப்பது உனையே

அளவுக்கு மிஞ்சினால்
அமிழ்தமும் நஞ்சாமடா
எனக்கு அமிழ்தமாகவே
தெரிகிறது உன் முத்தம்
அளவுக்கு மிஞ்சினாலும்

உதடுகள் பேசாமல் சொல்வது
ஆசையின் தூண்டும் மொழி

இந்த ஏமாற்றத்திற்கும்
வலிக்கும் காரணம் அன்று
உனக்காக என்னை மாற்றிக்
கொண்டது மட்டுமே