தொடர்வண்டி என்னதான்
வேகமாகச் சென்றாலும்
அதைவிட வேகமாக
பின்நோக்கியே செல்கிறது
மனது

ஒருவரின் நினைவு வந்தாலே
மனம் சற்று இலகுவாகி விடுகிறது

கண்ணோட்டம் மட்டுமே
போதுமானது
இதயம் முழுவதும் புரண்டுவிட

உன்னால்
தண்டனை
அனுபவிக்கின்றது
நகமும் கொஞ்சம்
திருப்பிக்கொள்
உன் பார்வையை

என் கவலைகளுக்கு
நீ மருந்தாகின்றாய்
உன் கவலைகளை
மறைத்து

இருவரின் அமைதி கூட
சில நேரங்களில்
காதல் உரையாடலாகும்

கண்கள் சந்திக்கும் நிசப்தம்
ஆழமான காதலை அறிவிக்கிறது

நேசிக்கும் மனது
அசையாமல் நிலைத்தால்
காலமும் அந்த காதலை
விட்டு செல்ல முடியாது

முப்பொழுதும்
நீயென் அருகில்
இல்லாவிட்டாலும்
எப்பொழுதும்
என் நினைவிலிருக்கிறாய்
என்னவனே

தள்ளி இருப்பதினாலேயே
தவிக்கிறேன் என்று சொல்ல
முடியாதடி நொடிப்பொழுதும்
நினைவுகள் உன்னிடம்
நிறைந்து இருக்கையில்